“Pontevedra dá de beber a quen pasa” é un dito galego que expresa moi ben a esencia desta cidade: a hospitalidade. Esta tradición de acollida, reflíctese na Virxe Peregrina, emblema do camiño portugués a Compostela e patroa da cidade, honrada polos pontevedreses cunha curiosa igrexa, monumento nacional, coa planta en forma de vieira!

Seguindo diferentes itinerarios, como o Camiño Francés, o do Norte ou o Camiño do Sueste-Vía da Prata, entre outros, cada ano miles e miles de peregrinos de todas as nacionalidades fan o Camiño compartindo soños e vivencias.